عمران خان مذاکرات کے لیے تیار ہیں لیکن بات اُن سے ہوگی جن کے پاس اختیار ہے،وزیراعلیٰ علی امین گنڈاپور

 

عمران خان مذاکرات کے لیے تیار ہیں لیکن بات اُن سے ہوگی جن کے پاس اختیار ہے،وزیراعلیٰ 

راولپنڈی میں میڈیا سے گفتگو کرتے ہوئے انہوں نے کہاکہ عمران خان بارہا کہہ چکے ہیں کہ میں طاقتوروں سے مذاکرات کے لیے تیار ہوں، یہ ہم سیاسی لوگوں کو عمران خان سے ملاقات کرنے دیں گے تو ہی کوئی راستہ نکلے گا۔میں جب وزیر اعلیٰ بنا تو آتے ہی کہا تھا کہ ہمیں افغانستان کی قیادت کے ساتھ مذاکرات کرنے چاہئیں، تو انہوں نے کہاکہ یہ آپ کا کام نہیں، میں نے کہا ٹھیک ہے تم خود کرلو۔

واضح رہے کہ وزیراعلیٰ خیبرپختونخوا علی امین گنڈاپور کی کچھ عرصے سے بانی پی ٹی آئی عمران خان سے جیل میں ملاقات نہیں ہورہی، وہ کئی بار عمران خان سے ملنے کے لیے اڈیالہ جیل پہنچے لیکن انہیں واپس بھیج دیا گیا۔