اداکارہ نعیمہ بٹ کو نماز کے بعد تصویر شیئر کرنا مہنگا پڑگیا

 

اداکارہ نعیمہ بٹ کی نماز سے متعلق حالیہ انسٹاگرام سٹوری سوشل میڈیا پر توجہ کا مرکز 

کراچی اداکارہ نعیمہ بٹ کی نماز سے متعلق انسٹا سٹوری پر سوشل میڈیا صارفین نے انہیں تنقیہد کا نشانہ بنا ڈالا۔اداکارہ نعیمہ بٹ کی نماز سے متعلق حالیہ انسٹاگرام سٹوری سوشل میڈیا پر توجہ کا مرکز بن گئی ہے۔ اداکارہ نے انسٹا سٹوری پر ایک تصویر شیئر کی جس میں وہ نماز ادا کرنے کے بعد حجاب میں دکھائی دے رہی ہیں۔

اداکارہ نے اس تصویر کیساتھ کیپشن میں لکھا''بے شک، نماز پوری کائنات میں سب سے محفوظ جگہ ہے، شب بخیر۔،،

نعیمہ کی یہ سٹوری سوشل میڈیا پر وائرل ہوگئی جس پر صارفین کی جانب سے مختلف تبصرے کیے گئے۔ بعض صارفین نے اداکارہ کی اس پوسٹ کو سراہا جبکہ دیگر نے تصویر میں موجود اداکارہ کے میک اپ پر ان کو تنقید کا نشانہ بنایا۔