پاکستان کے بیٹرز کے ردعمل کو دیکھتے ہوئے گیند ڈال رہا تھا ، پلئیر آف دی میچ کلدیپ یادیو نے پاکستان کے خلاف اپنی اصل چال بتا دی

 پاکستان اور بھارت کے درمیان کھیلے گئے میچ میں بھارتی اسپنر کولدیپ یادیو نے شاندار بولنگ 

 دبئی(آن لائن) ایشیا کپ میں پاکستان اور بھارت کے درمیان کھیلے گئے میچ میں بھارتی اسپنر کولدیپ یادیو نے شاندار بولنگ کے بدولت مین آف دی میچ کا ایوارڈ اپنے نام کرلیا۔

کولدیپ یادیو نے میچ کے بعد گفتگو کرتے ہوئے کہا کہ انہوں نے چیزوں کو سادہ رکھنے کی کوشش کی اور وہی پلان فالو کیا جو ان کے ذہن میں تھا۔ ان کا کہنا تھا کہ وہ پاکستان کے بیٹرز کے ردعمل کو دیکھتے ہوئے گیند ڈال رہے تھے۔

کولدیپ نے کہا کہ "پہلی گیند ہمیشہ وکٹ لینے والی ہونی چاہیے، بیٹر نیا آتا ہے تو آپ کے پاس موقع ہوتا ہے کہ اس پر دباؤ ڈالیں۔" انہوں نے مزید کہا کہ وہ خود کو ابھی دنیا کا بہترین بولر نہیں سمجھتے اور اپنی بولنگ پر مزید محنت کرنے کی ضرورت ہے۔ ان کا کہنا تھا کہ  وہ کبھی کبھار بہت زیادہ ویری ایشنز آزمانے کی کوشش کرتے ہیں اور اس سے بھی سیکھنے کی ضرورت ہے۔