غیر اخلاقی مواد شیئر کرنے والی ٹک ٹاکر علیشاہ اور خواجہ سرا سجل کو گرفتار
پشاور (ڈیلی آن لائن )پشاور پولیس نے سوشل میڈیا پر فحش اور غیر اخلاقی مواد شیئر کرنے والی ٹک ٹاکر علیشاہ اور خواجہ سرا سجل کو گرفتار کر لیاہے ۔
تفصیلات کے مطابق سی سی پی او پشاور کے آفیشل ٹویٹر ہینڈل پر جاری تفصیلات میں بتایا گیا کہ علیشاہ 007 نامی ٹک ٹاکر کی جانب سے سوشل میڈیا پر فحش اور قابل اعتراض ویڈیوز اپ لوڈ کی جارہی تھیں جس پر تھانہ گلبہار پولیس نے کارروائی کرتے ہوئے انہیں گرفتار کر لیاہے اور مقدمہ درج کرتے ہوئے کارروائی کا آغاز کر دیاہے ۔
پشاور پولیس کی جانب سے سوشل میڈیا پر بے حیائی پھیلانے والے سوشل میڈیا سٹارز کیخلاف کارروائی تیز کر دی گئی ہے اور اس ضمن میں بے حیائی پھیلانے والے ملزم خواجہ سرا سجل سکنہ کوتوالی کو بھی گرفتار کر لیا گیاہے جن کے خلاف مقدمہ درج کرتے ہوئے کارروائی کا آغاز کر دیا گیا ۔
0 Comments